毛囊殺它死。。。告別毛毛手 @ Pretty Medical光纖嫩。脫 (1)

男生手腳多毛被指夠Man，但女生多毛就相當核突，尤其夏天著熱褲背心，毛手毛腳認真趕客吧！(•'╻'• ۶)۶ 脫毛膏同剃刀相信大家都用得多，不過脫完無耐又再生返，而且會過度刺激毛囊引致毛髮變粗或倒生問題，唔想無止境為毛毛煩惱，不如恨心一點殺死毛囊！

早於2005年兔比已經join左某大集團腋下激光永久脫毛療程，效果雖唔錯但礙於budget有限而且該公司價錢都蠻貴，未有join到其他位置，不過兔比好幸運早前成功報名參加Pretty Medical「光纖嫩♥脫」，進行一連4個月光纖脫毛行動，短時間內就可以永久告別濃密手毛啦！꒰´ ु-௰ू-॰`꒱⋆

對於Pretty Medical相關分享睇得多，兔比都係初次親身親驗。灣仔分店位於太原街，非常易搵~

到埗後職員帶兔比入大廳坐住等同填寫個人資料

等候期間唔怕悶，有雜誌睇又有野飲有野食

之後由職員帶往照相房間，拍低療程前嘅毛毛手，拍攝所用設備都係平日拍攝面部所用

冬天有長袖衫遮蓋之下，懶得去處理毛毛，明顯可見前臂手毛相當旺盛!!! ꒰꒪д꒪|||꒱

又返到大廳等左陣終於由治療師帶入療程房間，沿途可見有相當多美容儀器

療程房入面已有齊是次療程儀器同產品，房間雖小但相當闊落（請無視兔比放響床上嘅行裝）

治療師先抹乾淨脫毛位置，然後俾兔比戴上眼罩（眼罩蠻大覆蓋左半塊面呢~）

由於只係脫手臂兔比無需訓響床上，只係坐住伸出手臂就可以，無剃短毛毛或搽上任何東東（過往激光脫毛都會搽上厚厚嘅gel，所以有點奇怪），直接開始嚕！

第一次親眼睇住激光打落皮膚嘅一刻（心情有點緊張，過往都係戴上不透明眼罩，咩都睇唔到），見到毛毛好似被瞬間燒毀，聞到一陣陣燒焦味，皮膚有溫熱同被橡筋彈感覺。治療師會逐下逐下去打，由於同一位置唔可以打多於三下，所以會仔細睇清楚有無遺漏

唔明白點解治療師唔坐低要企響度進行療程，雖然時間唔長但要彎身就客人戥佢辛苦，話晒自己都係職安健從業員

即時已見到絕大部分毛毛都唔見左，但皮膚有點紅同輕微灼傷感覺

最後搽上舒緩保濕產品就完成啦！

治療師叮囑療程後暫時唔好用熱水沖洗同磨砂，至於部機點運作無講解過，都要主動問先會答

完成療程之後走返到大堂換返鞋，然後無人指示下到counter問問，職員又遞上另一份表格，表示之前俾兔比填錯左另一張，雖然態度有禮但安排似乎有待改善

當晚發紅同灼傷感依然，而且皮膚比較乾，keep住搽上蘆薈gel同lotion作保濕舒緩，翌日開始退紅而且灼傷感都消除

某D位有一點點結焦情況，但無任何痛楚，大概係本身皮膚太乾，宜家每日都努力搽lotion~

約好下次療程時間，三星期後兔比會再到Pretty Medical進行第二次療程，稍後再同大家分享，想知道療程效果如何記得捧場啦！

Pretty Medical
地址：香港灣仔太原街8號海源中心2樓全層  （熱線︰2891-6879 / 2891-6871）
        九龍佐敦長樂街18號18廣場10樓全層 （熱線︰2722-1168 / 2721-0070）
網站︰http://www.PrettyMedical.com.hk/
Facebook Fanpage: http://www.facebook.com/prettybeautyspa

Categories: ● 光纖, ● 脫毛, ● 激光, ● GentleLase, ● Pretty Medical, 愛美體驗