（影音）「假的真得了！」偽素顏妝容。。。附影音分享

志雲大師話「真的假不了！」，兔比就話「假的真得了」！此話何解？

自從活動上體驗過 bareMinerals 礦物粉（前文回顧：Attention Please！祼妝革命。。。全天然鑽石級粉底快將登陸），佢就成為兔比至愛底妝品，由活動當日到目前為止未捨得轉用第二個品牌！無他嘅！用左佢可以呃到人，既可以修飾不均勻膚色同小瑕疵，又偽裝到自然素肌， 薄薄一層已有令人滿意嘅coverage~

大半個月黎痘痘爆不停，絕對不宜用化妝蓋住皮膚，不過 bareMinerals全礦物成分令兔比用得無後顧之憂~ 就算皮膚幾爛都可以放心修飾，唔怕素顏出街嚇親街坊

以 Swirl （打圈）、Tap（輕拍）、 Buff （掃上）方法上粉，切記唔好心急一次倒過多，寧願唔夠再重覆上粉，倒得太多唔可以倒返入盒架!

粉質好幼滑，接觸皮膚之後會化成霜狀，非常貼服自然~

薄薄質地已經可以均勻到膚色，黑眼圈都淡左唔少！

為左令大家都清楚使用方法，特別拍左片同大家分享，一開聲都係好緊張，請多多包涵！

最後只需要畫眉、加上內眼線、擦上睫毛膏同胭脂，簡單又精神嘅偽素顏就大功告成啦！今次無用過遮瑕膏去修飾，薄薄上粉已經好滿意，相片除左加框都無PS過喔~

Categories: ● 底妝, ● 礦物粉, ● Bare Escentuals, ● bareminerals, 妝物妝文